На
пачатку жніўня ў Астраўцы прайшлі літаратурныя чытанні, прысвечаныя 120-годдзю
Янкі Быліны (Яна Семашкевіча). Імя гэтага каталіцкага святара мала вядома шырокай
грамадскасці, яле яго ўклад у нацыянальную культуру важкі. Янка быліна на тэрыторыі
Рэчы Паспалітай правіў богаслужэнні на беларускай мове. Па-беларуску напісаны
яго байкі, вершы, быліны і п'есы.
Нарадзіўся Янка Быліна на Астравеччыне, у вёсцы Лакцяны, таму мясцовыя краязнаўцы
Ганна Чакур і Алесь Юркойць шмат зрабілі для адраджэння добрай памяці слыннага
земляка.
Каля Клюшчанскага касцёла, дзе хрысцілі Яна Семашкевіча, актывісты Грамадскага
аб'яднання «Вільняр» устанавілі памятны знак. Яго зрабіў Лідскі мастак Рычард
Груша.
У чытаннях бралі ўдзел краязнаўцы з Літвы, Беларусі і Польшчы. Дарэчы, Янка
Быліна і пахаваны ў Польшчы, дзе ён памёр у 1956 годзе.
|
